ചെന്നൈ: തന്റെ 69ാംമത് ചിത്രത്തിന് ജനനായകന്‍ എന്ന് പേരിട്ട് വിജയ്. എച്ച് വിനോദ് സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും റിപ്പബ്ലിക് ദിനത്തില്‍ നടന്‍ പുറത്തുവിട്ടു. ഇത് വിജയിന്റെ അവസാന ചിത്രമായിരിക്കുമെന്നാണ് വിലയിരുത്തല്‍.
മുദ്രാവാക്യം വിളിക്കുന്ന ആള്‍ക്കൂട്ടത്തിനൊപ്പം സെല്‍ഫിയെടുക്കുന്ന വിജയയുടെ ചിത്രമാണ് ടൈറ്റില്‍ പോസ്റ്ററിലുള്ളത്. സാമൂഹികമാധ്യമങ്ങള്‍ വഴി വിജയ് തന്നെയാണ് ചിത്രത്തിന്റെ പോസ്റ്റര്‍ പങ്കുവെച്ചത്. ചിത്രത്തിന്റെ പോസ്റ്റര്‍ ഇതിനകം തന്നെ വിജയ് ആരാധകര്‍ ആഘോഷമാക്കി ഏറ്റെടുത്തു.
കെവിഎന്‍ പ്രൊഡക്ഷന്‍സ് നിര്‍മിക്കുന്ന ചിത്രത്തില്‍ അനിരുദ്ധ് ആണ് സംഗീതസംവിധായകന്‍. പൂജ ഹെഗ്‌ഡെ, ബോബി ഡിയോള്‍, മമിത ബൈജു, ഗൗതം വാസുദേവ് മേനോന്‍, പ്രിയാമണി, പ്രകാശ് രാജ് എന്നിവര്‍ ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കും.
ഗോട്ട് ആയിരുന്നു 2024 പുറത്തുവന്ന വിജയുടെ അവസാന ചിത്രം.
Discussion about this post