രാം ചരണിനെ പ്രധാനകഥാപാത്രമാക്കി ഷങ്കര്‍ സംവിധാനം ചെയ്ത ബിഗ് ബഡ്ജറ്റ് പൊളിറ്റിക്കല്‍ ചിത്രമാണ് ഗെയിം ചേഞ്ചര്‍. 450 കോടി മുതല്‍ മുടക്കില്‍ ഒരുങ്ങിയ ചിത്രം തിയേറ്ററുകളില്‍ തകര്‍ന്നടിയുന്ന കാഴ്ചയാണുള്ളത്. ഇതോടെ നിര്‍മാതാവിന് വലിയ നഷ്ടമുണ്ടാകുമെന്നാണ് റിപ്പോര്‍ട്ട്. ശ്രീ വെങ്കടേശ്വര ക്രിയേഷന്‍സിന്റെ ബാനറില്‍ ദില്‍ രാജുവാണ് ചിത്രം നിര്‍മിച്ചിരിക്കുന്നത്.
ഇതുവരെ 124 കോടി മാത്രമാണ് സിനിമയുടെ നെറ്റ് കളക്ഷന്‍. ചിത്രം ഈ വാരത്തോടെ തിയേറ്റര്‍ വിട്ടേക്കുമെന്നാണ് റിപ്പോര്‍ട്ട്. ഇതോടെ ദില്‍ രാജുവിന് 100 കോടിയിലധികം രൂപയുടെ നഷ്ടമാവും ഉണ്ടാവുക. ദില്‍ രാജുവിന്റെ കരിയറിലെ തന്നെ ഏറ്റവും കൂടുതല്‍ സാമ്പത്തിക നഷ്ടമുണ്ടാക്കിയ സിനിമയാകും ഗെയിം ചേഞ്ചര്‍.
സിനിമയുടെ ഡിജിറ്റല്‍ അവകാശം വമ്പന്‍ തുകയ്ക്കാണ് ആമസോണ്‍ പ്രൈമിന് നല്‍കിയിരിക്കുന്നത് എന്നാണ് വിവരം. സിനിമയുടെ ഒടിടി അവകാശം ഇല്ലാത്ത പക്ഷം നിര്‍മാതാവിന്റ നഷ്ടം ഇതിലും വലുതാകുമായിരുന്നു എന്നാണ് ഒടിടി പ്ലേ റിപ്പോര്‍ട്ട് ചെയ്യുന്നത്.
Discussion about this post