ഗിരീഷ് എ ഡി – നസ്ലെന്‍ ടീം വീണ്ടുമൊന്നിക്കുന്ന ഐ ആം കാതലന്‍ റിലീസ് ഡേറ്റ് പ്രഖ്യാപിച്ചു. ചിത്രം നവംബര്‍ 7 ന് തിയേറ്ററുകളില്‍ എത്തും. നേരത്തെ ചിത്രീകരണം പൂര്‍ത്തിയാക്കിയ ചിത്രം സാങ്കേതിക പ്രശ്നം മൂലം റിലീസ് നീളുകയായിരുന്നു.
അനിഷ്മ നായികയായെത്തുന്ന ചിത്രത്തില്‍ ദിലീഷ് പോത്തന്‍, ലിജോമോള്‍, ടി.ജി രവി, സജിന്‍, വിനീത് വാസുദേവന്‍, വിനീത് വിശ്വം എന്നിവരാണ് മറ്റുപ്രധാന കഥാപാത്രങ്ങളെ അവതരിപ്പിക്കുന്നത്. നടന്‍ സജിന്‍ ചെറുകയിലാണ് ചിത്രത്തിന്റെ തിരക്കഥ രചിച്ചിരിക്കുന്നത്.
ഗിരീഷ് എ ഡി സംവിധാനം ചെയ്ത തണ്ണീര്‍മത്തന്‍ ദിനങ്ങളിലൂടെയായിരുന്നു നസ്ലെന്‍ സിനിമ രംഗത്ത് സജീവമായത്. പൂമരം, എല്ലാം ശരിയാകും, ഓ മേരി ലൈല എന്നീ ചിത്രങ്ങള്‍ക്ക് ശേഷം ഡോ. പോള്‍സ് എന്റര്‍ടെയിന്മെന്റസിന്റെ ബാനറില്‍ ഡോ. പോള്‍ വര്‍ഗീസ്, കൃഷ്ണമൂര്‍ത്തി എന്നിവര്‍ ചേര്‍ന്ന് നിര്‍മിച്ച ചിത്രത്തില്‍ നിര്‍മാതാവായി ഗോകുലം ഗോപാലനും ഉണ്ട്. പുതുതായി പുറത്തിറങ്ങിയ പോസ്റ്ററിലാണ് ഗോകുലം ഗോപാലന്റെ പേരും ഉള്‍പ്പെടുത്തിയിരിക്കുന്നത്.
തണ്ണീര്‍ മത്തന്‍ ദിനങ്ങള്‍, സൂപ്പര്‍ ശരണ്യ എന്നീ സൂപ്പര്‍ ഹിറ്റുകള്‍ക്കും പ്രേമലു എന്ന ബ്ലോക്ക്ബസ്റ്റര്‍ ചിത്രത്തിനും ശേഷം ഗിരീഷ് എ ഡി- നസ്ലെന്‍ ടീമൊന്നിക്കുന്ന ‘ഐ ആം കാതലന്‍’ ഏറെ പ്രതീക്ഷകളോടെയാണ് പ്രേക്ഷകര്‍ കാത്തിരിക്കുന്നത്. ശരണ്‍ വേലായുധന്‍ ആണ് ചിത്രത്തിന്റെ കാമറ. എഡിറ്റിംഗ് ആകാശ് ജോസഫ് വര്‍ഗീസ്, സിദ്ധാര്‍ത്ഥ പ്രദീപാണ് ചിത്രത്തിന് സംഗീതമൊരുക്കിയത്.
Discussion about this post