മോഹന്‍ലാലിനൊപ്പം ഒരു കോമഡി ചിത്രം ചെയ്യാനുള്ള സാധ്യതകളെക്കുറിച്ച് തുറന്ന് പറഞ്ഞു സംവിധായകന്‍ ജീത്തു ജോസഫും തിരക്കഥാകൃത്ത് കൃഷ്ണകുമാറും. മോഹന്‍ലാലുമായി ഒരു കോമഡി സിനിമ ചെയ്യാന്‍ സാധ്യതയുണ്ടായാല്‍ എപ്പോള്‍ ചെയ്തെന്ന് ചോദിച്ചാല്‍ മതി അതിലൊരു സംശയവും വേണ്ട, എന്നാല്‍ അതിന് സാധ്യതയുള്ള ഒരു കഥ ആദ്യം വരണമെന്ന് ജീത്തു ജോസഫ് പറഞ്ഞു. കൃഷ്ണ കുമാര്‍ വെളിപ്പെടുത്തി.
മോഹന്‍ലാല്‍ ജീത്തു ജോസഫ് സിനിമയെന്ന് പറയുമ്പോള്‍ തന്നെയൊരു പ്രതീക്ഷ പ്രേക്ഷകര്‍ക്കിടയില്‍ ഉണ്ടാകും. അത് ഹ്യൂമര്‍ കൂടെ ആകുമ്പോള്‍ അത്രയും റേഞ്ചിലുള്ള സിനിമ ചെയ്താലാണ് പ്രേക്ഷകര്‍ സ്വീകരിക്കുക. തനിക്ക് തോന്നുന്നത് അതിനേക്കാളും സേഫ് ത്രില്ലര്‍ ആണെന്നും കൃഷ്ണകുമാര്‍ പറഞ്ഞു. ജീത്തു ജോസഫ് കൃഷ്ണകുമാര്‍ കോംബോയില്‍ പുറത്തിറങ്ങിയ ‘നുണക്കുഴി’ക്ക് മികച്ച പ്രേക്ഷക പ്രതികരണമാണ് ലഭിക്കുന്നത്.
ആഗസ്റ്റ് 15ന് പുറത്തിറങ്ങിയ ചിത്രം മൂന്ന് ദിവസം കൊണ്ട് 3.51 കോടിയാണ് കേരളത്തില്‍ നിന്ന് നേടിയതെന്നാണ് അനൗദ്യോഗിക റിപ്പോര്‍ട്ടുകള്‍ സൂചിപ്പിക്കുന്നത്. ആദ്യ ദിനം 1.65 കോടിയാണ് നുണക്കുഴി കേരളത്തില്‍ നിന്ന് നേടിയത്. ബേസില്‍ ജോസഫ്, ഗ്രേസ് ആന്റണി എന്നിവര്‍ പ്രധാന വേഷങ്ങളില്‍ എത്തിയ ചിത്രത്തില്‍ സിദ്ദിഖ്, ബൈജു, മനോജ് കെ ജയന്‍, അജു വര്‍ഗീസ്, സൈജു കുറുപ്പ്, അല്‍ത്താഫ് സലിം, ലെന, സ്വാസിക, ബിനു പപ്പു, അസീസ് നെടുമങ്ങാട്, സെല്‍വരാജ്, ശ്യാം മോഹന്‍, ദിനേശ് പ്രഭാകര്‍, കലാഭവന്‍ യുസഫ്, രാജേഷ് പറവൂര്‍, റിയാസ് നര്‍മ്മകല, അരുണ്‍ പുനലൂര്‍, ശ്യാം തൃക്കുന്നപുഴ, സന്തോഷ് ലക്ഷ്മണന്‍, കലാഭവന്‍ ജിന്റോ, സുന്ദര്‍ നായക് തുടങ്ങിയവരും പ്രധാന വേഷങ്ങളില്‍ എത്തിയത്.
Discussion about this post