കമല്‍ഹാസന്‍ ചിത്രം ഇന്ത്യന്‍ 2 വലിയ ഹൈപ്പോടെയാണ് തീയേറ്ററുകളിലെത്തിയത്. എന്നാല്‍ ഈ സിനിമയ്ക്ക് പ്രതീക്ഷിച്ച വിജയം നേടാനായില്ല. ഇന്ത്യന്‍ ബോക്സ് ഓഫീസില്‍ ഇന്ത്യന്‍ 2 വെറും 81 കോടി മാത്രമാണ് നേടിയത്. ചിത്രത്തിന്റെ ഗ്രോസ് 95.58 കോടിയാണ്. വിദേശത്ത് ഇതുവരെ 51 കോടി ഗ്രോസ് ഇന്ത്യന്‍ 2 ആണ് നേടിയത്. ഇന്ത്യന്‍, ഓവര്‍സീസ് ഗ്രോസ് സംയോജിപ്പിച്ച്, ലോകമെമ്പാടുമുള്ള ബോക്സ് ഓഫീസ് കളക്ഷന്‍ 146.58 കോടി ഗ്രോസ് ആണ് ചിത്രം നേടിയത്. പ്രേക്ഷകരില്‍ നിന്നുള്ള മോശം സ്വീകരണത്തിന് ശേഷം ചിത്രത്തിന്റെ സ്‌ക്രീനുകള്‍ കുത്തനെ കുറഞ്ഞിരുന്നു.
ജൂലൈ 12 തിയേറ്ററുകളിലെത്തിയ ചിത്രത്തിന്റെ ഒടിടി റിലീസ് സംബന്ധിച്ചുള്ള വിവരങ്ങള്‍ പുറത്തുവന്നിരിക്കുകയാണ്. നെറ്റ്ഫ്‌ലിക്‌സാണ് ചിത്രത്തിന്റെ ഡിജിറ്റല്‍ റൈറ്റ്‌സ് സ്വന്തമാക്കിയിട്ടുള്ളത്. നെറ്റ്ഫ്‌ലിക്‌സ് ഇന്ത്യന്‍ 2 ന്റെ സ്ട്രീമിംഗ് അവകാശം 120 കോടിക്കാണ് റിലീസിന് മുന്‍പ് സ്വന്തമാക്കിയത്. തിയേറ്റര്‍ റിലീസിന് മുമ്പ് തുക നല്‍കി.
ഇപ്പോള്‍ ചിത്രം പരാജയമായ സാഹചര്യത്തില്‍ സ്ട്രീമിംഗ് പ്ലാറ്റ്ഫോം നെറ്റ്ഫ്‌ലിക്‌സ് 120 കോടിയുടെ ഇടപാടിന് അത് സമ്മതിക്കുന്നില്ല. പകുതി പണം തിരിച്ചുതരാന്‍ നിര്‍മ്മാതാക്കളോട് ആവശ്യപ്പെട്ടുവെന്നാണ് വിവരം.
ഈയിടെയായി ബോക്സോഫീസിലെ സിനിമകളുടെ പ്രകടനത്തിന് ശേഷമാണ് ഒടിടി പ്ലാറ്റ്ഫോമുകള്‍ തുക തീരുമാനിക്കുന്നത്. അതിനാല്‍, ഇന്ത്യന്‍ 2 ന്റെ കാര്യത്തില്‍ നെറ്റ്ഫ്‌ലിക്‌സും നിര്‍മ്മാതാക്കളും തമ്മില്‍ ചര്‍ച്ചയ്ക്ക് സാധ്യതയുണ്ടെന്നാണ് പ്രതീക്ഷ.
Discussion about this post