തെന്നിന്ത്യന്‍ സിനിമാപ്രേക്ഷകര്‍ക്കിടയില്‍ തരംഗമായ സിനിമയാണ് 96. റാം എന്ന കഥാപാത്രമായി വിജയ് സേതുപതിയും ജാനുവായി തൃഷയും മത്സരിച്ചാണ് അഭിനയിച്ച് ആരാധകരുടെ മനം കീഴടക്കി. എന്നാല്‍ ജാനുവിന്റെ വേഷത്തിലേക്ക് ആദ്യം പരിഗണിച്ചിരുന്നത് തൃഷയെ ആയിരുന്നില്ല. മഞ്ജു വാര്യരെ ആയിരുന്നു. ഒരു അവാര്‍ഡ് ചടങ്ങിനിടെ വിജയ് സേതുപതി തന്നെയാണ് മഞ്ജു വാര്യരോട് ഈ കാര്യം പറയുന്നത്.
തന്റെ പുതിയ ചിത്രം ഫൂട്ടേജിന്റെ പ്രമോഷന്‍ ചടങ്ങിനിടെ ഒരു യൂട്യൂബ് ചാനലിനോടാണ് മഞ്ജു വാര്യരുടെ തുറന്നു പറച്ചില്‍. 96നു വേണ്ടിയുള്ള കോള്‍ എന്റെ അടുത്ത് എത്തിയിട്ടില്ല. അവര്‍ വിളിക്കാന്‍ ശ്രമിച്ചിരുന്നു. ആ അന്വേഷണം എന്റെ അടുത്ത് എത്തുന്നതിന് മുന്നെ വേറെ വഴിക്ക് പോയി.
കുറച്ച് മുന്‍പ് ഒരു അവാര്‍ഡ് ചടങ്ങില്‍ വെച്ചാണ് ആ കഥാപാത്രത്തിലേക്ക് എന്നെ അന്വേഷിച്ചിരുന്നു എന്നാണ് വിജയ് സേതുപതി സര്‍ പറഞ്ഞത്. ആ സിനിമയുടെ സമയത്ത് അവര്‍ക്ക് തന്നെ എന്തൊക്കെയോ ഡേറ്റ് കണ്‍ഫ്യൂഷന്‍സ് ഉണ്ടായിരുന്നു എന്നാണ് അദ്ദേഹം പറഞ്ഞത്.
എന്നെ ബുദ്ധിമുട്ടിക്കേണ്ട എന്ന് കരുതി അവര്‍ പാതി വഴിയില്‍ ആ ശ്രമം ഉപേക്ഷിക്കുകയായിരുന്നു. അങ്ങനെ പിന്നീട് അവര്‍ തൃഷയിലേക്ക് എത്തി.- മഞ്ജു വാര്യര്‍ പറഞ്ഞു.
Discussion about this post