സമൂഹമാധ്യമത്തില്‍ താരങ്ങള്‍ക്ക് ആരാധകരും ഹേറ്റേഴ്‌സുമുണ്ടാകാം. എന്നാല്‍ നിര്‍ഭാഗ്യവശാല്‍ കൂടുതല്‍ സെലിബ്രിറ്റികള്‍ക്കും പല കാരണങ്ങളുണ്ടെ പേരില്‍ കേള്‍ക്കേണ്ടി വരുന്നത് മോശം കമന്റുകളാണ്.
ചിലപ്പോള്‍ സിനിമയുടെ പേരില്‍ അല്ലെങ്കില്‍ വ്യക്തിജീവിതത്തിന്റെയോ വസ്ത്രധാരണത്തിന്റെയോ പേരില്‍. എന്നാല്‍ ജാന്‍വി കപൂറിന്റെ കാര്യത്തില്‍ ഇത് അല്‍പ്പം വ്യത്യസ്തമാണ്. ജാന്‍വിയെക്കുറിച്ച് മോശം കമന്റുകളെക്കാള്‍ കൂടുതല്‍ ധാരാളം നല്ല അഭിപ്രായങ്ങളുണ്ട്.
എന്നാല്‍ ഇതിന് കാരണം ജാന്‍വി പണം കൊടുത്ത് പി.ആര്‍ വര്‍ക്ക് ചെയ്യിക്കുകയാണെന്നാണ് ആരോപണം. ഇത്തരം ആരോപണങ്ങളോട് ജാന്‍വി പ്രതികരിച്ചിട്ടുണ്ട്. സോഷ്യല്‍ മീഡിയയില്‍ തന്നെ അഭിനന്ദിക്കാനായി ആളുകള്‍ക്ക് പണം നല്‍കാന്‍ മാത്രം തന്റെ കയ്യില്‍ പണമില്ലെന്നാണ് താരം പ്രതികരിച്ചത്. തനിക്ക് സാമൂഹ്യമാധ്യമങ്ങളില്‍ പ്രശംസ ലഭിക്കുമ്പോഴെല്ലാം ആളുകള്‍ അത് പിആര്‍ സൃഷ്ടിയായി തള്ളിക്കളയുന്നുവെന്നും ജാന്‍വി പറഞ്ഞു.
മുന്‍പ് ധര്‍മ്മ പ്രൊഡക്ഷന്‍സിന്റെ ഔദ്യോഗിക യൂട്യൂബ് ചാനലില്‍ കരണ്‍ ജോഹറുമായി നടത്തിയ അഭിമുഖത്തില്‍ ട്രോള്‍ ചെയ്യപ്പെടുന്നത് ഒരു പ്രിവിലേജ്ഡ് പ്രോബ്ലം ആണെന്ന് ജാന്‍വി കപൂര്‍ പറഞ്ഞിരുന്നു. ഈ വര്‍ഷം ഒക്ടോബര്‍ 10 ന് പുറത്തിറങ്ങാനിരിക്കുന്ന ദേവരയിലൂടെയാണ് ജാന്‍വി ദക്ഷിണ സിനിമയില്‍ അരങ്ങേറ്റം കുറിക്കുന്നത്. സുധാന്‍ഷു സാരിയ സംവിധാനം ചെയ്യുന്ന ഉലജ് ആണ് ജാന്‍വി കപൂറിന്റെ വരാനിരിക്കുന്ന ചിത്രം.
Discussion about this post