24 വര്‍ഷങ്ങള്‍ക്ക് ശേഷം ദേവദൂതന് വീണ്ടും തിയറ്ററുകളില്‍ എത്തിയിരിക്കുകയാണ്. കഴിഞ്ഞ ദിവസം ആയിരുന്നു ചിത്രത്തിന്റെ റി-റിലീസ്. ഫോര്‍ കെ ദൃശ്യമികവില്‍ ദേവദൂതന് വീണ്ടും പ്രേക്ഷകര്‍ ഒന്നടങ്കം അത് ഏറ്റെടുത്തു. ഇപ്പോഴിതാ ഇരുപത്തിനാല് വര്‍ഷം മുന്‍പ് തിയേറ്ററില്‍ വന്‍ പരാജയം നേരിട്ട തന്റെ സിനിമയെ ആളുകള്‍ ഒന്നടങ്കം ഏറ്റെടുത്ത സന്തോഷം പങ്കുവയ്ക്കുകയാണ് സംവിധായകന്‍ സിബി മലയില്‍.
‘്. ജീവിതത്തില്‍ ഇങ്ങനെ ഒരനുഭവം മറ്റൊരു സംവിധായകനും ഉണ്ടായിട്ടുണ്ടാവില്ല. കാരണം 24 വര്‍ഷങ്ങള്‍ക്ക് മുന്‍പ് ആദ്യ ഷോ കഴിഞ്ഞപ്പോള്‍ പ്രേക്ഷകര്‍ തള്ളിക്കളഞ്ഞൊരു സിനിമ, 24 വര്‍ഷങ്ങള്‍ക്ക് ശേഷം ഒരു പുതിയ തലമുറ ആ സിനിമ കാണാന്‍ ആഗ്രഹിക്കുകയും അവരുടെ മുന്നിലേക്ക് ആ സിനിമയുടെ ഏറ്റവും നല്ല വെര്‍ഷന്‍ എത്തുകയും ചെയ്തിരിക്കുന്നു.
ദേവദൂതന് ഇത്രയും വലിയൊരു സ്വീകാര്യത ഉണ്ടാകുമെന്ന് ഞാന്‍ പ്രതീക്ഷിച്ചില്ല. സിനിമ കണ്ട് ആള്‍ക്കാര്‍ പോകും എന്നായിരുന്നു മനസില്‍. മനസ്സിന് കുളിര്‍മയേകുന്ന തരത്തിലുള്ള പ്രതികരണങ്ങളാണ് ലഭിക്കുന്നത്. ഇത്രയൊന്നും ഞാന്‍ പ്രതീക്ഷിച്ചില്ല. എല്ലാം അത്ഭുതമാണ്. ഇതൊരു പഴയ സിനിമ ആണെന്ന് പറഞ്ഞ് മാറ്റി നിര്‍ത്താമായിരുന്നു.
പക്ഷേ പുതിയൊരു സിനിമ കണ്ട ഫിലീങ്ങിലാണ് ആള്‍ക്കാര്‍ പോകുന്നത്. ചെറുപ്പക്കാരൊക്കെ എവിടെന്നൊക്കെയോ എന്റെ നമ്പര്‍ തപ്പിയെടുത്ത് വിളിക്കുന്നുണ്ട്. അന്ന് സിനിമ കണ്ടിട്ടില്ലാത്തവരാണ് ഈ സിനിമ ഏറ്റവും കൂടുതല്‍ എന്‍ജോയ് ചെയ്യുന്നത്. കണ്ടവരും വന്ന് കാണുന്നു. അന്നത്തെ പോലെ അല്ലെന്ന് പറയുന്നു. കാല്‍ നൂറ്റാണ്ടിന് മുന്‍പ് തിയറ്ററില്‍ ടോട്ടറി റിജക്റ്റഡ് ആയിട്ടുള്ളൊരു സിനിമ സ്വീകരിക്കപ്പെട്ടിരിക്കുന്നു’, എന്നായിരുന്നു സിബി മലയിലിന്റെ വാക്കുകള്‍.
Discussion about this post