ദേവദൂതന് തീയേറ്ററുകളിലെത്തിയിട്ട് 24 വര്ഷങ്ങളായി. ഇന്നലെ ഫോര് കെ മികവോടെ വീണ്ടും പ്രദര്ശനത്തിനെത്തിയിരുന്നു. രണ്ടാം വരവില് ആഗോളതലത്തില് മോഹന്ലാല് നായകനായ ചിത്രം 50 ലക്ഷത്തില് അധികം റിലീസ് കളക്ഷന് നേടിയെന്നാണ് റിപ്പോര്ട്ടുകള് സൂചിപ്പിക്കുന്നത്.
ദേവദൂതന് റീമാസ്റ്റേര്ഡ് ചെയ്ത് പ്രദര്ശനത്തിനെത്തിച്ചപ്പോള് ചിത്രം കാണാന് നിരവധി പേരാണെത്തുന്നതെന്നാണ് പ്രത്യേകതയാണ്. സംവിധാനം സിബി മലയില് നിര്വഹിച്ചപ്പോള് തിരക്കഥ തിരക്കഥ എഴുതിയത് രഘുനാഥ് പലേരിയാണ്. ഛായാഗ്രാഹണം നിര്വഹിച്ചത് സന്തോഷ് തുണ്ടിയിലാണ്. സംഗീതം വിദ്യാ സാഗര് നിര്വഹിച്ച ചിത്രത്തിലെ ഗാനങ്ങള് അക്കാലത്തെ ഹിറ്റായി മാറിയിരുന്നു
വിശാല് കൃഷ്ണമൂര്ത്തിയായ മോഹന്ലാലിന് പുറമേ ചിത്രത്തില് ജയ പ്രദ, ജനാര്ദനന്, ജഗതി ശ്രീകുമാര്, ജഗദീഷ്, വിനീത് കുമാര്, ശരത് ദാസ്, വിജയലക്ഷ്മി, ലെന, രാധിക, സാന്ദ്ര, ജിജോയി രാജഗോപാല്, രാജ കൃഷ്ണമൂര്ത്തി, ജോയ്സ്, രാമന്കുട്ടി വാര്യര് എന്നിവരും കഥാപാത്രങ്ങളായി. മിസ്റ്ററി ഹൊറര് ഴോണര് ആയിട്ടാണ് ചിത്രം പ്രദര്ശിപ്പിച്ചത്. സംസ്ഥാന തലത്തില് അന്ന് ദേവദൂതന് അവാര്ഡും നേടിയിരുന്നു. സിയാദ് കോക്കറായിരുന്നു നിര്മാണം. 2000ത്തില് വന് പരാജയമായിരുന്നെങ്കിലും പിന്നീട് ചിത്രം കള്ട്ട് ക്ലാസിക്കായി മാറിയതാണ് ചരിത്രം. പുതിയ തലമുറയും മോഹന്ലാലിന്റെ ദേവദൂതന് ചിത്രത്തെ വാഴ്ത്തിപ്പാടിയിരുന്നു.
Discussion about this post