നാഗ് അശ്വിന്‍ പ്രഭാസ് ചിത്രം കല്‍ക്കി 2898 എഡി ജൂണ്‍ 27 നാണ് റിലീസായത്. അമിതാഭ് ബച്ചന്‍, കമല്‍ ഹാസന്‍, പ്രഭാസ്, ദീപിക തുടങ്ങിയ ഇന്ത്യന്‍ സിനിമയിലെ തന്നെ വലിയ താരനിര അണിനിരന്ന ചിത്രം ഇതിനകം ബോക്‌സോഫീസില്‍ 1000 കോടി എന്ന നാഴികക്കല്ല് പിന്നിട്ടു കഴിഞ്ഞു. സിനിമ എപ്പോള്‍ ഒടിടിയില്‍ വരും എന്ന ആകാംക്ഷയിലാണ് പ്രേക്ഷകര്‍.
റിലീസ് ദിവസം തന്നെ 114 കോടി രൂപയാണ് ചിത്രം കളക്ഷന്‍ നേടിയത്. ആദ്യ ആഴ്ചയില്‍ ചിത്രം 494.5 കോടി കളക്ഷന്‍ നേടി. രണ്ടാം ആഴ്ചയില്‍ 151.75 കോടിയും മൂന്നാം ആഴ്ചയില്‍ 66.05 കോടിയും നേടി. ഇന്ത്യന്‍ ബോക്‌സോഫീസില്‍ മാത്രം ചിത്രം 600 കോടി നേടിയെന്നാണ് വിവരം.
കല്‍ക്കി 2898 എഡി ഒടിടി റിലീസ് തീയതിയുടെ വിശദാംശങ്ങള്‍ ഡെക്കാന്‍ ക്രോണിക്കിള്‍ റിപ്പോര്‍ട്ട് ചെയ്തിട്ടുണ്ട്. പ്രൈം വീഡിയോ ഇന്ത്യ ചിത്രത്തിന്റെ തെലുങ്ക്, തമിഴ്, കന്നഡ, മലയാളം ഭാഷ പതിപ്പുകള്‍ സ്ട്രീം ചെയ്യും. നെറ്റ്ഫ്‌ലിക്‌സ് ഇന്ത്യ ഹിന്ദി പതിപ്പ് പ്രേക്ഷകരില്‍ എത്തിക്കും. സലാര്‍ പോലെ രണ്ട് ഡേറ്റുകളിലായിട്ടായിരിക്കും പടം ഒടിടി പ്ലാറ്റ്‌ഫോമുകളില്‍ എത്തുക എന്നാണ് വിവരം.
നേരത്തെ ഏര്‍ളി ഒടിടി വിന്റോയായി നിശ്ചയിച്ചിരുന്നു ചിത്രത്തിന്റെ ഒടിടി റിലീസ് നീട്ടിയിരുന്നു. തീയറ്ററില്‍ നിന്ന് ചിത്രത്തിന് ലഭിക്കുന്ന ഗംഭീര പ്രതികരണം പരമാവധി മുതലെടുക്കാന്‍ വേണ്ടി ഒടിടി റിലീസ് രണ്ട് മാസം കഴിഞ്ഞെ കാണൂകയുള്ളൂ എന്നാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്തിരുന്നത്.
Discussion about this post