ഇത് റീ റിലീസുകളുടെ കൂടി കാലമാണ്. നിരവധി ചിത്രങ്ങളാണ് ഒരിക്കല്‍ വിജയം കാണാതെ പോയ നിരവധി ചിത്രങ്ങളാണ് കാലവും പ്രേക്ഷരുടെ അഭിരുചിയും മാറിയപ്പോള്‍ ഭാഗ്യം തേടി വീണ്ടും തീയേറ്ററുകളിലെത്തുന്നത്. മലയാളത്തില്‍ നിന്ന്
മോഹന്‍ലാല്‍ നായകനായെത്തിയ രണ്ടു ചിത്രങ്ങള്‍ ദേവദൂതനും മണിച്ചിത്രത്താഴും റിറിലീസിനുള്ള ഒരുക്കത്തിലാണ്. ഇപ്പോഴിതാ ഇതു പോലെ തന്നെയുള്ള ഒരു വാര്‍ത്തയാണ് തെലുങ്കില്‍ നിന്ന് പുറത്തുവരുന്നത്.
ഇന്ത്യന്‍ സിനിമയിലെ തന്നെ മുന്‍നിരസംവിധായകരിലൊരാളായ എസ് എസ് രാജമൗലി ഒരുക്കിയ ഒരു പഴയ ചിത്രമാണ് ഇത്. അച്ഛന്‍ വി വിജയേന്ദ്ര പ്രസാദിന്റെ കഥയ്ക്ക് രാജമൗലി തന്നെ തിരക്കഥയൊരുക്കി, സംവിധാനം ചെയ്ത ചിത്രം വിക്രമാര്‍ക്കുഡു ആണ് അത്. ആക്ഷന്‍ ഡ്രാമ ഗണത്തില്‍ പെടുന്ന ചിത്രം 2006 ലാണ് പുറത്തെത്തിയത്. രവി തേജ നായകനായ ചിത്രത്തില്‍ അനുഷ്‌ക ഷെട്ടി ആയിരുന്നു നായിക.
കള്ളനും പൊലീസുമായി ഇരട്ട വേഷത്തിലെത്തിയ ഈ ചിത്രത്തിന്റെ ബജറ്റ് 11 കോടി ആയിരുന്നുഇ. വന്‍ ജനപ്രീതിയും കളക്ഷനും നേടിയ ഈ ചിത്രം ലഭ്യമായ കണക്കുകള്‍ പ്രകാരം വിതരണക്കാര്‍ക്ക് മാത്രം 19 കോടി ഷെയര്‍ സമ്മാനിച്ചു. മാത്രമല്ല 5 ഭാഷകളിലേക്ക് പല കാലങ്ങളില്‍ റീമേക്ക് ചെയ്യപ്പെടുകയും ചെയ്തു. ആ റീമേക്കുകളില്‍ മിക്കതും വന്‍ വിജയങ്ങളായി മാറിയതും ചരിത്രം.
തമിഴ്, കന്നഡ, ഹിന്ദി, ബംഗാളി ഭാഷകളിലേത് കൂടാതെ ബംഗ്ലാദേശില്‍ ചിത്രത്തിന്റെ രണ്ട് റീമേക്കുകളും ഉണ്ടായി. ചിത്രത്തിന്റെ തമിഴ് റീമേക്ക് ആണ് കാര്‍ത്തി നായകനായി 2011 ല്‍ പുറത്തെത്തിയ സിരുത്തൈ. ഹിന്ദി റീമേക്ക് ആണ് അക്ഷയ് കുമാറിന്റെ റൗഡ് റാത്തോഡ് (2012). അതേസമയം വിക്രമാര്‍ക്കുഡുവിന്റെ റീ റിലീസ് ജൂലൈ 27 ന് ആണ്. റീ റിലീസിനോടനുബന്ധിച്ച് പുതിയ ട്രെയ്‌ലറും എത്തിയിട്ടുണ്ട്.
Discussion about this post