ഹാസ്യവേഷങ്ങള്‍ ചെയ്യുന്നതിനാല്‍ സമൂഹത്തിലും സിനിമയിലും വേര്‍തിരിവ് അനുഭവിക്കേണ്ടി വരുന്നുണ്ടെന്ന് ് നടി ലക്ഷ്മി പ്രിയ. നായികമാരായാല്‍ മാത്രമേ സാമൂഹിക വിഷയങ്ങളില്‍ ഗൗരവമായി അഭിപ്രായം പറയുമ്പോള്‍ വില ലഭിക്കുകയുള്ളൂ. തന്നെ പോലെയുള്ള അഭിനേതാക്കള്‍ എന്തെങ്കിലും വിഷയങ്ങളില്‍ അഭിപ്രായം പറഞ്ഞാല്‍ ഒരു കോമഡി കഥാപാത്രമായി മാത്രമേ ആളുകള്‍ വിലയിരുത്തുന്നുള്ളൂവെന്നും അവര്‍ ഒരു അഭിമുഖത്തില്‍ പറഞ്ഞു.
ഹാസ്യ കഥാപാത്രങ്ങള്‍ ചെയ്തതുകൊണ്ട് ഒരു കോമാളികളെ പോലെയാണ് ഞങ്ങള്‍. കല്‍പ്പന ചേച്ചിയുടേത് പോലെ എന്റെ അവസാന സമയത്തായിരിക്കും നല്ല കഥാപാത്രങ്ങള്‍ കിട്ടുക. അങ്ങനെയെങ്കിലും നല്ല കഥാപാത്രങ്ങള്‍ വന്നാല്‍ മതിയായിരുന്നു എന്നാണ് ഞാന്‍ വിചാരിക്കുന്നത്. അഭിനയിച്ചും നല്ല കഥാപാത്രങ്ങള്‍ ചെയ്തും മതിയായിട്ടില്ല.
ഹാസ്യ നടിയായ ഞാന്‍ ആരുടെയെങ്കിലും മുന്‍പില്‍ എന്തെങ്കിലും അഭിപ്രായം പറഞ്ഞാല്‍ എന്തോ തെറ്റ് ചെയ്ത പോലെയാണ്. പാര്‍വതി തിരുവോത്തിനെ പോലുള്ള ചില നായികമാര്‍ക്കെ ബൗദ്ധിക നിലവാരമുള്ള വാക്കുകള്‍ പറയാന്‍ കഴിയുകയുള്ളൂവെന്നും പ്രസംഗിക്കാന്‍ സാധിക്കുകയുള്ളൂവെന്നുമാണ് എല്ലാവരുടെയും വിചാരം”.
നമ്മുടെ കാര്യഗൗരവത്തിന്റെ ആഴം എത്രയാണ്. ഇതൊന്നും മറുവശത്ത് ഇരിക്കുന്ന ഒരാള്‍ക്കും അറിയില്ല. കോമഡി കഥാപാത്രങ്ങള്‍ അഭിനയിച്ച ഒരാളായി മാത്രമാണ് ആളുകള്‍ എന്നെപ്പോലുള്ളവരെ വിലയിരുത്തുന്നത്. അതിനുമപ്പുറത്തേക്ക് നമ്മള്‍ എഴുതുമ്പോള്‍, ഇത് ഇവര്‍ എഴുതിയതാണോ എന്നാണ് ആളുകള്‍ ചോദിക്കുന്നത്.
മലയാള സിനിമയില്‍ ഏറ്റവും കൂടുതല്‍ പുസ്തകങ്ങള്‍ വായിച്ച ഒരാള്‍ കെപിഎസി ലളിതയാണ്. ചേച്ചി പറഞ്ഞിട്ടാണ് പല പുസ്തകങ്ങളും ഞാന്‍ വായിക്കുന്നത്. സമകാലിക സാമൂഹിക വിഷയങ്ങളില്‍ എന്തെങ്കിലും പറയണമെങ്കില്‍ നമ്മള്‍ നായികമാരാകണം. എങ്കില്‍ മാത്രമേ നമുക്ക് വില ലഭിക്കുകയുള്ളൂ”-ലക്ഷ്മി പ്രിയ വ്യക്തമാക്കി.
Discussion about this post