കേന്ദ്ര സഹമന്ത്രിയും നടനുമായ സുരേഷ് ഗോപിക്കൊപ്പം ഫ്ളൈറ്റില്‍ യാത്രചെയ്യാന്‍ കഴിഞ്ഞതിന്റെ സന്തോഷം സോഷ്യല്‍മീഡിയയില്‍ പങ്കുവെച്ച് നടന്‍ റഹ്‌മാന്‍. ചെന്നൈയില്‍ നിന്ന് കൊച്ചിയിലേക്കുള്ള ഫ്‌ളൈറ്റിലാണ് സുരേഷ് ഗോപിയോടൊപ്പം റഹ്‌മാന്‍ യാത്ര ചെയ്തത്. യാത്രയ്ക്കിടയില്‍ സിനിമ, രാഷ്ട്രീയം, വ്യക്തിജീവിതം തുടങ്ങിയ കാര്യങ്ങള്‍ ചര്‍ച്ചയായെന്ന് നടന്‍ കുറിച്ചു.
‘പെട്രോളിയം പ്രകൃതിവാതക മന്ത്രിയോടൊപ്പം ചെന്നൈയില്‍ നിന്ന് കൊച്ചിയിലേക്ക് ഒരു യാത്ര’ എന്നാണ് സുരേഷ് ഗോപിക്കൊപ്പമുള്ള യാത്രയെ റഹ്‌മാന്‍ വിശേഷിപ്പിച്ചിരിക്കുന്നത്. സഹപ്രവര്‍ത്തകനും സുഹൃത്തുമായ സുരേഷ്ഗോപിക്ക് പുതിയ ഉത്തരവാദിത്തം ഭംഗിയായി നിറവേറ്റാന്‍ കഴിയട്ടെ എന്ന് പ്രാര്‍ത്ഥിക്കുന്നു എന്ന് റഹ്‌മാന്‍ സമൂഹ മാധ്യമങ്ങളില്‍ കുറിച്ചു.
റഹ്‌മാന്റെ വാക്കുകള്‍: ‘പെട്രോളിയം പ്രകൃതിവാതക മന്ത്രിയോടൊപ്പം ചെന്നൈയില്‍ നിന്ന് കൊച്ചിയിലേക്ക് ഒരു യാത്ര. സിനിമയെക്കുറിച്ചും രാഷ്ട്രീയത്തെക്കുറിച്ചും വ്യക്തിജീവിതത്തെക്കുറിച്ചും സംസാരിച്ചു. കൂടുതല്‍ ഉത്തരവാദിത്തങ്ങളുള്ള പുതിയ ജോലിയെപ്പറ്റിയും ഏറെ നേരം സംസാരിച്ചു. ജനങ്ങളോടുള്ള നിങ്ങളുടെ ഉത്തരവാദിത്തങ്ങള്‍ നിറവേറ്റാന്‍ കഴിയുമെന്ന് പ്രതീക്ഷിക്കുകയും പ്രാര്‍ത്ഥിക്കുകയും ചെയ്യുന്നു. നിങ്ങളുടെ നന്മയ്ക്ക് വേണ്ടി പ്രാര്‍ത്ഥിക്കുന്നു. പ്രിയ സുഹൃത്തും സഹപ്രവര്‍ത്തകനുമായ ഇദ്ദേഹത്തെ ദൈവം അനുഗ്രഹിക്കട്ടെ.’
ഇതിനു മുന്‍പ്, തൃശൂരില്‍ വിജയിച്ചപ്പോഴും കേന്ദ്രമന്ത്രിയായി തിരഞ്ഞെടുക്കപ്പെട്ടപ്പോഴുമൊക്കെ സുരേഷ് ഗോപിയെ റഹ്‌മാന്‍ അഭിനന്ദിച്ചിരുന്നു. മാത്രമല്ല, സുരേഷ് ഗോപിയുടെ പിറന്നാള്‍ ദിനത്തിലും താരന്‍ ആശംസകളും നേര്‍ന്നിരുന്നു.
Discussion about this post