തെന്നിന്ത്യന്‍ താരം അമല പോളില്‍ നിന്ന് തനിക്ക് നേരിടേണ്ടി വന്ന ദുരനുഭവം പങ്കുവെച്ച് സെലിബ്രിറ്റി ഹെയര്‍ സ്റ്റൈലിസ്റ്റ് ഹേമ. തന്റെ വാനിറ്റി വാന്‍ നിന്നും ഇറങ്ങി പോകാന്‍ തന്നെ നിര്‍ബന്ധിച്ച സംഭവമാണ് അവര്‍ അടുത്തിടെ ഒരു അഭിമുഖത്തില്‍ പങ്കുവെച്ചു ”ഹെയര്‍സ്‌റ്റൈലിസ്റ്റുകള്‍ക്കും മേക്കപ്പ് ആര്‍ട്ടിസ്റ്റുകള്‍ക്കും ഈ വാനിറ്റി വാനില്‍ ഇരിക്കാന്‍ അനുവാദമില്ല,” അമല പറഞ്ഞുവെന്ന് അവര്‍ വെളിപ്പെടുത്തി.
”ഒരിക്കല്‍ ഞാന്‍ അമല പോളിനൊപ്പം ചെന്നൈയില്‍ ഷൂട്ടിംഗിന് പോയിരുന്നു. എനിക്ക് അവരെ നേരിട്ട് അറിയില്ല ഒരു സുഹൃത്ത് വഴിയാണ് പോയത്. ഏപ്രില്‍ മെയ് മാസത്തെ ഷൂട്ടിംഗ് സമയത്ത് നല്ല ചൂടായിരുന്നു. തണലിനായി ലൊക്കേഷനില്‍ ഒരു മരം പോലും ഇല്ലായിരുന്നു, അതിനാല്‍ ഞങ്ങള്‍ വാനിറ്റി വാനിലേക്ക് കയറി.’
”വാനില്‍ രണ്ട് ഭാഗങ്ങളുണ്ട്, ഒന്ന് കലാകാരന്മാര്‍ ഇരിക്കുന്നതും മറ്റൊന്ന് സാങ്കേതിക വിദഗ്ധര്‍ക്ക് ഉള്ളതും. അങ്ങനെ ഞങ്ങള്‍ കയറി അകത്ത് ഇരുന്നപ്പോള്‍ അമല മാനേജരോട് പറഞ്ഞു ഞങ്ങളോട് പോകാന്‍ ആവശ്യപ്പെട്ടു. ‘അവര്‍ക്ക് വാനിറ്റി വാനില്‍ ഇരിക്കാന്‍ അനുവാദമില്ലെന്ന് പറയൂ.’ എന്ന്
അങ്ങനെ മാനേജര്‍ ഞങ്ങളോട് പറഞ്ഞപ്പോള്‍ ഞാനും മേക്കപ്പ് മാനും പരസ്പരം നോക്കി. ‘ഇത്രയും ചൂടുള്ള കാലാവസ്ഥയില്‍ ഞങ്ങള്‍ എവിടെ പോകും?’ എന്ന ചിന്തയിലായിരുന്നു ഞങ്ങള്‍. എന്നിട്ടും, ഞങ്ങള്‍ക്ക് വാനില്‍ നിന്ന് ഇറങ്ങേണ്ടി വന്നു. ‘ദക്ഷിണേന്ത്യയില്‍ ഇത് എങ്ങനെ പ്രവര്‍ത്തിക്കുന്നുവെന്ന് എനിക്കറിയില്ല. ഹെയര്‍ സ്‌റ്റൈലിസ്റ്റിനെയും മേക്കപ്പ് ആര്‍ട്ടിസ്റ്റിനെയും വാനിറ്റി വാനിനുള്ളില്‍ അനുവദിക്കാത്ത നിയമങ്ങള്‍ അവര്‍ക്ക് ഉണ്ടായിരിക്കാം.
അവര്‍ ഹെയര്‍ സ്‌റ്റൈലിസ്റ്റുകളെയും മേക്കപ്പ് ആര്‍ട്ടിസ്റ്റുകളെയും വിലമതിക്കുന്നില്ല. നന്നായി പെരുമാറുന്ന, ഹെയര്‍ സ്‌റ്റൈലിസ്റ്റിനും മേക്കപ്പ് ആര്‍ട്ടിസ്റ്റിനുമായി വേണ്ടി ഒരു മുഴുവന്‍ വാനും ബുക്ക് ചെയ്യുന്ന തബുവിനെപ്പോലുള്ള താരങ്ങള്‍ക്കൊപ്പം ഞാന്‍ പ്രവര്‍ത്തിച്ചിട്ടുണ്ടെന്ന് അവരോട് ഞാന്‍ എങ്ങനെ പറയും. ഞാന്‍ ഒന്നും മിണ്ടിയില്ല. ഇത് ദക്ഷിണേന്ത്യയില്‍ ധാരാളം സംഭവിക്കുന്നുണ്ട്’ ഹേമ പറഞ്ഞു.
Discussion about this post