പൃഥ്വിരാജ് സ്വന്തമാക്കിയ ജര്‍മ്മന്‍ ആഡംബര വാഹനമാണ് ഇപ്പോള്‍ ആരാധകര്‍ക്കും വാഹനപ്രേമികള്‍ക്കുമിടയില്‍ ചര്‍ച്ചയാകുന്നത്. ഇന്ത്യയില്‍ തന്നെ വളരെ ചുരുക്കം പേര്‍ക്കുള്ള പോര്‍ഷെയുടെ 911 ജിടി 3 മോഡലാണ് താരം സ്വന്തമാക്കിയിരിക്കുന്നത്. പോര്‍ഷെയുടെ സ്പോര്‍ട്സ് കാര്‍ മോഡലായ പോര്‍ഷെ 911 ജിടി3 ടൂറിങ്ങാണ് ഗ്യാരേജിലെത്തിയ പുതിയ വാഹനം. ജര്‍മനിയില്‍ നിന്ന് ഇറക്കുമതി ചെയ്ത കാര്‍ നേരത്തെ ബുക്ക് ചെയ്തിരുന്നതാണ്.
മാനുവല്‍ ട്രാന്‍സ്മിഷന്‍ മോഡലാണ് അദ്ദേഹം സ്വന്തമാക്കിയത്.ഏകദേശം 3.5 കോടി രൂപയോളമാണ് ഇന്ത്യയില്‍ ഈ വാഹനത്തിന്റെ എക്സ്ഷോറൂം വില. വാഹനത്തിന്റെ കസ്റ്റമൈസേഷന്‍ അനുസരിച്ച് വില കൂടും. എന്തൊക്കെ കസ്റ്റമൈസേഷനാണ് ഇതില്‍ ഉള്‍പ്പെടുത്തിയിരിക്കുന്നത് എന്നോ മൊത്തം ഓണ്‍റോഡ് വില എത്രയാണെന്നോ താരം വെളിപ്പെടുത്തിയിട്ടില്ല.
അടുത്തിടെ തെലുങ്ക് സിനിമ താരമായ നാഗചൈതന്യ പോര്‍ഷെയുടെ 911 ജിടി3 ആര്‍എസ് മോഡല്‍ സ്വന്തമാക്കിയതായി റിപ്പോര്‍ട്ടുകള്‍ വന്നിരുന്നു. പൃഥ്വിരാജിനെ പോലെ തന്നെ ആഡംബര കാറുകളുടെ ശേഖരം നാഗചൈതന്യക്കുമുണ്ട്. ഫെരാരി ഉള്‍പ്പെടെയുള്ള മോഡലുകള്‍ നാഗ ചൈതന്യയുടെ ഗ്യാരേജിലുണ്ട്. പോര്‍ഷെ 911 ജിടി3 ആര്‍എസിന് ഇന്ത്യയില്‍ 3.51 കോടി രൂപയാണ് ഏകദേശ എക്സ് ഷോറൂം വില.
4.0 ലിറ്ററിന്റെ പെട്രോള്‍ എന്‍ജിനാണ് വാഹനത്തിനുള്ളത് 502 ബി.എച്ച്.പി. പവറും 470 എന്‍.എം. ടോര്‍ക്കുമാണ് എന്‍ജിന്‍ ഉത്പാദിപ്പിക്കുന്ന പവര്‍. മാനുവല്‍ ട്രാന്‍സ്മിഷന്‍ വാഹനമായ ഈ മോഡലില്‍ ആറ് സ്പീഡ് ഗിയര്‍ബോക്സാണ് നല്‍കിയിട്ടുള്ളത്. കേവലം 3.9 സെക്കന്റില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത കൈവരിക്കുന്ന ഈ വാഹനത്തിന്റെ പരമാവധി വേഗത മണിക്കൂറില്‍ 320 കിലോമീറ്ററാണ്.
View this post on Instagram
Discussion about this post