അമ്പതാം പിറന്നാള്‍ ആഘോഷ നിറവിലാണ് വിജയ്. തമിഴകത്തിന്റെ ദളപതിയെന്ന പദവിയിലെത്തി നില്‍ക്കുമ്പോഴും ഒരിക്കല്‍ ഇവിടെയെത്തിച്ചേരാനായി വിജയ് തരണം ചെയ്ത പ്രതിസന്ധികള്‍ ഒട്ടേറെയാണ്. നടന്‍ തുടക്കത്തില്‍ നേരിട്ട അവഗണനകള്‍ ചെറുതല്ല. സംവിധായകന്‍ എസ് എ ചന്ദ്രശേഖറിന്റെ മകനായിട്ടും വിജയ്ക്ക് മുന്‍നിരയിലെത്താന്‍ കഷ്ടപ്പാടുകള്‍ സഹിക്കേണ്ടി വന്നു എന്ന് വിശാല്‍ ഒരിക്കല്‍ വെളിപ്പെടുത്തിയിരുന്നു.
വിജയ് അന്ന് കൊളേജില്‍ എന്റെ സഹോദരന്റെ സീനിയറായിരുന്നു. സിനിമയില്‍ വിജയ് അരങ്ങേറിയപ്പോഴുള്ള ദുരനുഭവത്തെ കുറിച്ചും വിശാല്‍ ഓര്‍ക്കുന്നു. വിജയ്‌യുടെ മുഖം കാണാന്‍ എന്തിന് തിയറ്ററില്‍ പൈസ ചെലവഴിക്കുന്നു എന്നാണ് ഒരിക്കല്‍ ഒരു മാസിക എഴുതി. പക്ഷേ സിനിമയില്‍ നിന്ന് വിജയ് പിന്‍മാറിയില്ല. സിനിമകള്‍ കുറച്ച് വിജയ് ചെയ്തതിന് ശേഷം അതേ മാസിക പൊസീറ്റാവായും എഴുതി. അതാണ് വിജയ്‌യുടെ വിജയം. വിജയം എളുപ്പമായിരുന്നില്ല എന്നും വിശാല്‍ വ്യക്തമാക്കിയിരുന്നു.
ദ ഗോട്ടാണ് വിജയ് നായകനായ ചിത്രമായി നിലവില്‍ ചിത്രീകരിച്ചുകൊണ്ടിരിക്കുന്നത്. സംവിധാനം നിര്‍വഹിക്കുന്നത് വെങ്കട് പ്രഭുവാണ്. കേരളത്തിലാണ് വിജയ് നായകനായി വരാനിരിക്കുന്ന ചിത്രത്തിന്റെ ക്ലൈമാക്‌സ് ചിത്രീകരിച്ചത്. ദ ഗോട്ടും ഒരു ഹിറ്റ് ചിത്രമാകും എന്നാണ് പ്രതീക്ഷകള്‍.
വിജയുടെ ഒടുവിലെത്തിയ ചിത്രം ലിയോ വന്‍ ഹിറ്റായി മാറിയിരുന്നു. സംവിധായകന്‍ ലോകേഷ് കനകരാജിന്റെ പുതിയ ചിത്രത്തില്‍ വിജയ് നായകനായപ്പോള്‍ പ്രതീക്ഷയ്ക്കപ്പുറത്തെ വിജയം നേടുകയും തമിഴകത്തെ ഇന്‍ഡസ്ട്രി ഹിറ്റാകുകയും പല കളക്ഷന്‍ റെക്കോര്‍ഡുകളും മറികടക്കുകയും ചെയ്തിരുന്നു എന്നാണ് റിപ്പോര്‍ട്ടുകള്‍. ആഗോളതലത്തില്‍ വിജയ്‌യുടെ ലിയോ 620 കോടി രൂപയിലധികം നേടി എന്നാണ് ബോക്‌സ് ഓഫീസ് റിപ്പോര്‍ട്ടുകള്‍.
Discussion about this post