കഴിഞ്ഞ ദിവസമാണ് മോഹന്‍ലാല്‍ തുടര്‍ച്ചയായ മൂന്നാം തവണ താര സംഘടനയായ അമ്മയുടെ പ്രസിഡന്റ് സ്ഥാനത്തേക്ക് തെരഞ്ഞെടുക്കപ്പെട്ടത്. ഈ അവസരത്തില്‍ നടന്‍ ജോയ് മാത്യു മോഹന്‍ലാലിനെ കുറിച്ച് പറഞ്ഞ കാര്യങ്ങളാണ് ഇപ്പോള്‍ ശ്രദ്ധനേടുന്നത്.
പ്രസിഡന്റ് സ്ഥാനത്തേക്കുള്ള മത്സരത്തെ കുറിച്ചാണ് ജോയ് മാത്യു പറയുന്നത്. ‘പ്രസിഡന്റ് സ്ഥാനത്തേക്ക് മത്സരിക്കാമെന്നാണ് ഞാന്‍ വിചാരിച്ചത്. മുട്ടുമ്പോള്‍ ആനയോട് മുട്ടണ്ടേ. കരുത്തനായ സ്ഥാനാര്‍ത്ഥി അല്ലേ മോഹന്‍ലാല്‍. നമ്മള്‍ മത്സരിച്ചാല്‍ മോഹന്‍ലാല്‍ പിന്മാറും. മോനെ നീ എടുത്തോ എന്ന് പറയും. ഞാന്‍ ഇല്ല ഈ പരിപാടിയ്ക്ക് എന്ന് പറയും. സത്യത്തില്‍ ഈ സ്ഥാനം ഞങ്ങള്‍ അദ്ദേഹം ഏല്‍പ്പിക്കുകയാണ്.
ആരെങ്കിലും മുന്നോട്ട് വരികയാണെങ്കില്‍ അപ്പോള്‍ തന്നെ മൂപ്പര് കസേര വിട്ട് പോകും. പ്രസിഡന്റ് സ്ഥാനത്തേക്ക് വരേണ്ടത് എല്ലാവര്‍ക്കും സമ്മതനായ ആളായിരിക്കണം. ആരെങ്കിലും വന്നിരുന്നിട്ട് കാര്യമില്ല. അയാള്‍ പറയുന്നതിന് സ്വീകാര്യത വേണം. ഡിസിഷന്‍ മേക്കര്‍ ആയിരിക്കണം അയാള്‍. എന്നാണ് ജോയ് മാത്യു പറഞ്ഞത്. മൂവി വേള്‍ഡ് മീഡിയയോട് ആയിരുന്നു നടന്റെ പ്രതികരണം.
അതേസമയം, തരുണ്‍മൂര്‍ത്തി സംവിധാനം ചെയ്യുന്ന ചിത്രത്തിലാണ് മോഹന്‍ലാല്‍ ഇപ്പോള്‍ അഭിനയിച്ചു കൊണ്ടിരിക്കുന്നത്. രജപുത്ര നിര്‍മിക്കുന്ന ചിത്രമാണ് എല്‍ 360. ഛായാഗ്രാഹണം നിര്‍വഹിക്കുന്നത് ഷാജികുമാര്‍. സൗണ്ട് ഡിസൈന്‍ വിഷ്ണു ഗോവിന്ദായ ചിത്രം എല്‍ 360ന്റെ പിആര്‍ഒ വാഴൂര്‍ ജോസ് ആണ്. എമ്പുരാന്‍ ആണ് ഷൂട്ടിംഗ് നടക്കുന്ന മറ്റൊരു മോഹന്‍ലാല്‍ ചിത്രം. പൃഥ്വിരാജ് ആണ് സംവിധാനം.
Discussion about this post